خانپور(آئی این پی) چیئرمین پاکستان تحریک انصاف عمران خان نے کہا کہ موجودہ حکومت اپنی مدت سے پہلے ہی ختم ہوجائے گی، (ن )لیگ کے لوگ خود کو نوازشریف سے الگ کررہے ہیں، درختوں کی کٹائی کرنیوالوں کے خلاف جہاد کررہے ہیں، خود کو اتنا مضبوط کریں

کہ آئی ایم ایف کے پاس نہ جانا پڑے۔بدھ کو عمران خان نےمیڈیا سے گفتگو کرتے ہوئے کہا کہ انتخابات میں تاخیر نہیں ہونی چاہیے،زیادہ تر لوگ نوازشریف کے ساتھ نہیں ہیں، (ن )لیگ کے لوگ خود کو نوازشریف سے الگ کررہے ہیں، حکومت جانے کے بعد90دن کے اندر انتخابات ہوجانے چاہیں،کونسا آئین کہتا ہے کہ حلقہ بندیوں کے بعد ہی الیکشنہونے چاہیں، خود کو اتنا مضبوط کریں کہ آئی ایم ایف کے پاس نہ جانا پڑے،انہوں نے کہا کہ درختوں

کی کٹائی کرنے والوں کے خلاف جہاد کررہے ہیں، ٹمبر مافیا کو کسی صورت درختوں کی کٹائی نہیں کرنے دینگے، حکومت اپنی مدت سے پہلے ہی ختم ہوجائے گی، ماضی میں قیمتی نوادرات ملک سے باہر لے جائے گئے ، ہمارے پاس دنیا کے سب سے خوبصورت علاقے ہیں،سیاحت کے فروغ سے حکومت کو بھی آمدنی ہوگی اور مقامی افراد کے روزگار میں بھی اضافہ ہوگا۔