اسلام آباد (مانیٹرنگ ڈیسک) راہوالی کے خلیل الرحمن جعلی عیسائی عامل پر پل پڑا، ایسی درگت بنائی کہ دیکھنے والوں کا بھی دل دہل گیا۔ تفصیلات کے مطابق راہوالی کا رہائشی خلیل الرحمن جوگھریلو حالات اور کاروبار میں بہتری کا خواہش مند تھا جعلی عیسائی عامل کے ہتھے چڑھ گیا جس نے اسے حالات ٹھیک ہونے کے سہانے سپنے دکھا کر لاکھوں روپے بٹور لئے ۔ کچھ عرصے بعد کاروبار میں وسعت، گھریلو پریشانیاں ختم نہ ہونے پر خلیل نے عامل سے رقم کی واپسی کا مطالبہ کیا، جس پر جعلی عیسائی عامل ٹال مٹول

سے کام لینے لگا اور کافی دن گزر جانے کے باوجود جب خلیل الرحمن کو اس کی رقم نہ ملی تو وہ شدید غصے میں آگیا اور عارف مسیح کی ایسی درگ بنائی کہ دیکھنے والوں کے بھی دل دہل گئے۔ خلیل الرحمن نے عارف مسیح کو زمین پر پٹخنے کے بعد تھپڑوں اور مکوں سےاس کی حالت بگاڑ دی۔ واقعہ کی اطلاع ملنے پر پولیس موقع پر پہنچ گئی اور دونوں کو حراست میں لیکر تھانے منتقل کر دیا ہے جہاں خلیل الرحمن نے بیان دیتے ہوئے کہا کہ عارف مسیح اب تک اس سے دس لاکھ روپے سے زائد رقم بٹور چکا ہے۔