اسلام آباد (مانیٹرنگ ڈیسک) اسمبلی سیکرٹریٹ نے الیکشن کمیشن میں مالی اثاثوں کی تفصیلات جمع نہ کروانےوالے معطل ارکان اسمبلی کو اجلاسوں میں شرکت سے روک دیا ۔ تفصیلات کے مطابق اسمبلی سیکرٹریٹ نے معطل ارکان کو اجلاسوں میں شرکت سے روک دیا ہے تاہم اسمبلی سیکرٹریٹ کا کہنا ہے کہ رکنیت بحال ہونے پر ہی ارکان کو اجلاس میں شرکت کی اجازت دی جائیگی۔

یہاں یہ بات قابل ذکر ہے کہ الیکشن کمیشن کی جانب سے مالی اثاثہ جات کی تفصیلات جمع نہ کروانے پر الیکشن کمیشن نے قومی اسمبلی کے 71 اور سینیٹ کے 7اراکین کی رکنیت معطل کردی ہے۔ جس میں کیپٹن(ر) محمد صفدر سمیت عائشہ گلالئی اور مزید اراکین شامل ہیں۔تاہم اب ان کی اجلاسوںمیں شرکت اسی صورت میں ہو گی جب رکنیت بحال ہو جائے گی۔