اسلام آباد(مانیٹرنگ ڈیسک)پنجاب میں حکومتی کارکردگی کا پول کھل گیا، مریم نواز جب لوگوں کے مسائل پوچھنے ان کے گھرپہنچی تو عوام نے مسائل کے ڈھیر لگا دئیے، انتظامیہ کی نا اہلی کا رونا روتے رہے۔ تفصیلات کے مطابق پنجاب میں حکومتی کارکردگی کا پول اس وقت کھل گیا جب مریم نواز لوگوں کے مسائل اور ان کے حل کیلئے لوگوں کےگھر پہنچ گئیں۔ ایک جگہ جب انہیں نے
سیوریج کے حوالے سے لوگوں سے دریافت کیا تو اس موقع پر لوگوں نے شکایات کے انبار لگا دئیے۔ گھر کے دروازے پر کھڑی جب ایک خاتون سے مریم نواز نے پینے کے صاف پانی سے متعلق استفسار کیا کہ کیا پانی آتا ہے،صاف پانی آتا ہے؟تو خاتون خانہ کا کہنا تھا کہ پانی بھی نہیں آتا، کم آتا ہے جبکہ گندا پانی سپلائی کیا جا رہا ہے جس پر مریم نواز صرف ’اچھا‘ہی کہہ کر خاموش ہو گئیں۔
