اسلام آباد (مانیٹرنگ ڈیسک)پاک فوج اور عدلیہ کے خلاف مہم، اداروں کو آپس میں لڑانے کی سازش ، مریم نواز کے میڈیا سیل کے پانچ اہم افراد گرفتار، سینئر صحافی چوہدری غلام حسین کا انکشاف۔ تفصیلات کے مطابق نجی ٹی وی کے پروگرام میں گفتگو کرتے ہوئے سینئر صحافی چوہدری غلام حسین نے انکشاف کرتے ہوئے بتایا ہے کہ سرکاری خرچے اور اربوں کی لوٹ مار سے قائم کیا گیا مریم نواز کا میڈیا سیل نواز شریف کی نااہلی کے بعد پاکستان سے دبئی شفٹ کر دیا گیا ہے۔ اس میڈیا سیل میں موجود

افراد پاک فوج اور عدلیہ پر کیچڑ اچھالنے کی منظم مہم کا حصہ رہے ہیں جن میں سے پانچ افراد کو گرفتار کر لیا گیا ہے۔ گرفتار ملزمان نے پولیس حراست میں اپنے گناہوں کا اعتراف کر لیا ہے اور یہ بھی بتایاہے کہ پاک فوج کے ہرزا سرائی وہ کس کے کہنے پر کرتے رہے ہیں۔ چوہدری غلام حسین نے مزید انکشاف کرتے ہوئے بتایا کہ یہ گرفتار افراد براہ راست مریم نواز کے ساتھ رابطے میں تھے جبکہ مزید 26افرادجو کہ اس میڈیا سیل کا حصہ ہیں کو بھی شناخت کر لیا گیا ہے جن کی گرفتاری عنقریب ہونے والی ہے۔