اسلام آباد (نیوز ڈیسک) معروف عالم دین قاتلانہ حملے میں زخمی۔ تفصیلات کے مطابق کراچی میں نامعلوم افراد نے معروف عالم دین علامہ منیر پر اس وقت قاتلانہ حملہ کیا جب وہ فجر کی نماز کیلئے مسجد جا رہے تھے کہ اس دوران کچھ افراد نے انہیں اینٹیں ماریں جس کے بعد وہ جان بچانے کے لئے گھر واپس چلے گئے۔
بتایا جاتا ہے کہ علامہ منیر احمد یوسفی اس حملے میں زخمی ہوئے ہیں۔ مذہبی و سیاسی حلقوں نے اس حملے کی شدید الفاظ میں مذمت کرتے ہوئے پولیس سے کارروائی کا مطالبہ کیا ہے۔ یاد رہے کہ مولانا منیر احمد یوسفی ایک نجی ٹی وی چینل پر مذہبی پروگرام بھی کرتے ہیں جس میں وہ مختلف دینی مسائل پر عوام کی رہنمائی کرتے ہیں۔
