واشنگٹن (آن لائن)وزیر خارجہ خواجہ آصف نے کہا ہے کہ پاکستان نہ صرف دہشتگردی کے خلاف جنگ لڑ رہا ہے بلکہ دہشتگردی کے خلاف پاکستان جنگ جیت بھی رہا ہے ، پاکستان میں جمہوریت مضبوط ہورہی ہے،دہشتگردی میں کمی کے باعث پاکستان کی معیشت مستحکم ہوئی ہے، افغانستان کی سرحد پر دہشتگردوں کے ٹھکانے موجودتھے جوپاک فوج نے ختم کیے ، افغانستان میں دہشتگردوں کے محفوظ ٹھکانے ختم ہونے چاہییں۔
جمعرات کے روز واشنگٹن میں انسٹی ٹیوٹ آف پیس میں خطاب کرتے ہوئے وزیر کارجہ خواجہ آصف نے کہا کہ سی پیک منصوبوں میں دیگرملکوں کوبھی سرمایہ کاری کے مواقعے ہیں،پاکستان دیگرعلاقائی منصوبوں پر بھی کام کررہاہے،پاکستان کی معیشت مستحکم ہوئی ہے اورپاکستانی معیشت ترقی کررہی ہے، آنیوالے برسوں میں شرح نمومیں مزیداضافہ ہوگا۔انہوں نے کہا کہپاکستان نے دہشتگردی پرقابو پانے میں اہم کرداراداکیا، پاکستان نہ صرف دہشتگردی کے خلاف جنگ لڑ رہا ہے بلکہ دہشتگردی کے خلاف پاکستان جنگ جیت بھی رہا ہے ،پاکستان نے قومی اتفاق رائے سے دہشتگردی کے خلاف حکمت عملی بنائی جس سے پاکستان کو کامیابی ملی ، پاکستان میں جمہوریت مضبوط ہورہی ہے،افغانستان کی سرحد پر دہشتگردوں کے ٹھکانے موجودتھے ، پاک فوج نے دہشتگردوں کے ٹھکانے ختم کیے ہیں ،:دنیا بھر میں لاکھوں افرادعالمی دہشتگردی سے متاثرہوئے ہیں ، ہمیں ملکر ماحولیاتی چیلنجز کا مقابلہ کرنا ہو گا ۔ خواجہ آصف نے کہا کہ افغانستان میں دہشتگردوں کے محفوظ ٹھکانے ختم ہونے چاہییں،افغانستان میں امن واستحکام کے خواہاں ہیں،افغانستان کے ساتھ بہترتعلقات چاہتے ہیں۔ انہوں نے کہا کہ امریکاکے ساتھ تجارتی تعلقات بہترکرنے پرکام کررہے ہیں،امریکاکافوکس دہشتگردوں کے محفوظ ٹھکانوں کے الزامات پرہے،دہشتگردوں کے محفوظ ٹھکانوں کے بالزامات ، سیاق و سباق سمجھنے کی ضرورت ہے ، سوال یہ ہے کہ ان دہشتگرد تنظیموں کو بنانے والے کون تھے ؟،امریکاکوتاریخ کافیصلہ یادرکھناچاہیے،تضادات پیداکرنے کے بجائے بینادی مسائل کاسامناکرناچاہیے،پاکستان امریکاکیساتھ باہمی رواداری پرمبنی تعلقات چاہتاہے۔
