محسن وال(این این آئی) خاتون کی تدفین کے دوران شہد کی مکھیوں کے حملہ میں 70 افراد زخمی ہوگئے ۔میڈیا رپورٹ کے مطابق نواحی گاؤں میں میت دفناتے ہوئے افراد پر شہد کی مکھیوں کے حملے میں 70 افراد زخمی ہوگئے۔ میاں چنوں کے نواحی گاؤں 126/15۔L کے چوہدری ریاض کی بیوی کو نماز جنازہ کے بعد دفن
کرنے کیلئے قبرستان پہنچے تو وہاں پردرخت لگے شہد کی مکھیوں کے چھتے پر کسی نے پتھر پھینک دیا جس پر شہد کی مکھیوں نے جنازہ میں شریک افراد پر حملہ کردیا۔کچھ افراد نے قریبی راجباہ میں چھلانگیں لگا کر مکھیوں سے جان چھڑائی جبکہ 12 افراد کو شدید زخمی حالت میں تحصیل ہسپتال میاں چنوں پہنچایا گیا۔
