اسلام آباد(مانیٹرنگ ڈیسک) نیب کے ڈاکٹر عاصم اور اقبال زیڈ احمد کے کیسز کی انکوائری کرنے والے آفیسر کو قتل اور اغوا کی دھمکیاں،تفصیلات کےمطابق ڈاکٹر عاصم کیس کی نیب میں تفتیش کرنے والے آفیسر کو ڈی ایس پی کے بیٹے نے درمیان سڑک میں روک کر عید سے قبل اغوااور قتل کی دھمکیاں دی ہیں۔ نجی ٹی وی چینل کے پروگرام میں سینئر صحافی نے گفتگو کرتے ہوئے کہا کہ نیب کراچی کے انکوائری افسر اپنے بچے
کو سکول چھوڑنے جارہے تھے کہ ایک پراڈو نے ان کی گاڑی کا راستہ روک کر رکنے پر مجبور کیا، پراڈو سے ایک شخص نکلا جس نے نیب افسر کو اس کے بچے کی موجودگی میں دھمکیاں دیں اور کہا کہ تمہیں عید سے پہلے اغوا کرلیں گے اورقتل کردیں گے۔دھمکیوں کے بعد مذکورہ نیب افسر نے ایف آئی آر درج کروا دی ہے۔نجی ٹی وی کے مطابق دھمکیاں دینے والے شخص کے بارے میں یہ معلوم ہوا ہے کہ وہ ایک ڈی ایس پی کا بیٹا ہے۔
