اسلام آباد (مانیٹرنگ ڈیسک) رقبے کے لحاظ سے پاکستان دنیا کا 35 واں بڑا ملک تھا ہی مگر اب آبادی میں اضافے کی وجہ سے فہرست اوپر پہنچ گیا ہے۔ تفصیلات کے مطابق حالیہ مردم شماری کے بعد پاکستان آبادی کے لحاظ سے فہرست میں اتنا اوپر چلا گیا ہے کہ تمام اندازے ہی غلط ثابت ہوگئے،

مردم شماری کے نتائج کے حوالے سے ویب سائٹ theeagleonline.com.ng کی رپورٹ کے مطابق پاکستان کی آبادی 20کروڑ 70لاکھ 77ہزار تک پہنچ چکی ہے جو سابقہ اندازوں سے بہت زیادہ ہے۔ آبادی میں اضافے کے ساتھ پاکستان آبادی کے لحاظ سے پانچواں بڑا ملک بن گیا ہے اور اس نے برازیل کو پیچھے چھوڑ دیا ہے۔ اس رپورٹ کے مطابق رقبے کے لحاظ سے برازیل دنیا کا پانچواں بڑا ملک ہے اور وہ اس سے قبل آبادی کے لحاظ سے بھی پانچواں بڑا ملک تھا مگر اب پاکستان نے اسے چھٹے نمبر پر دھکیل دیا ہیاور خود پانچویں پوزیشن پر آ گیا ہے۔ واضح رہے کہ اس مردم شماری میں ابھی گلگت بلتستان اور کشمیر کی آبادی شامل نہیں ہے۔ اسلام آباد کے سسٹین ابیل ڈویلپمنٹ پالیسی انسٹیٹیوٹ کے تحقیق کار شکیل رامے نے پاکستان کی آبادی میں اس اضافے پر کہا کہ پاکستان کی آبادی میں اضافہ اندازے سے کہیں زیادہ ہوا ہے اور یہ بہت حیران کن ہے۔ پاکستان ایسا ملک ہے جس کے وسائل انتہائی محدود ہیں اس کی آبادی کا اتنا زیادہ ہونا انتہائی پریشان کن ہے۔ پاکستان اس وقت آبادی کے لحاظ سے پانچواں بڑا ملک بن گیا ہے۔

موضوعات:پاکستان آبادی کے لحاظ سے پانچواں بڑا ملک