لاہور(آئی این پی) پیپلزپارٹی کی نائب صدر سینیٹر شیری رحمن نے کہا ہے کہ چوہدری نثار ایک ٹانگ پارٹی میں رکھتے ہیں اور پالیسیوں پر تنقید بھی کر رہے ہیں وہ ایک ہانڈی میں دو حلوے پکانے کی کوشش کررہے ہیں (ن) لیگ کے اندر بھی دراڑیں پڑ چکی ہیں جبکہ اس میں تین دھڑے بن چکے ہیں اور ایک دھڑے کی قیادت مریم نواز کر ہی ہیں۔اتوار کے روز گفتگو کرتے ہوئے شیر ی رحمن نے کہا کہ چوہدری نثار کا رویہ قطعا غیر جمہوری ہے میں نے بھی پارٹی سے استعفی دیا تھا
مگر کبھی پارٹی کی پالیسیوں کے خلاف تنقید نہیں کی۔ چوہدری نثار پریس کانفرنس کرکے جو باتیں کر رہے ہیں ن لیگ کو اس کا جواب دینا ہوگامگر لیگی قیادت جان بوجھ کر گومگو کی کیفیت پیدا کر رہی ہے انہیں ہر معاملے پر واضح اور دو ٹوک مؤ قف دینا ہوگا۔ سپیکر قومی اسمبلی کے حوالے سے عدالت میں ریفرنس دائر کرنے پر ان کا کہنا ہے کہ (ن) لیگ مطابق یہ ایک جعلی ڈاکومنٹ ہے تو اس پر انہیں فوری طور پر اپنا ردعمل دینا چاہئے تھا ۔
