اسلام آباد۔ریاض (این این آئی)قومی احتساب بیورو (نیب)نے شریف خاندان کے اثاثوں کی تفصیلات کیلئے سعودی حکومت کو خط لکھ دیا۔ نجی ٹی وی نے ذرائع کے حوالے سے بتایا کہ نیب نے سابق وزیراعظم نواز شریف اور ان کے صاحبزادوں حسن اور حسین نواز سمیت دیگر کے اثاثوں کی تمام تفصیلات سعودی حکومت سے مانگ لیں۔ذرائع کے مطابق نیب کی جانب سے لکھے گئے خط میں سعودی حکومت سے عزیزیہ مل کی خرید و فروخت کی تفصیلات بھی مانگی گئی ہیں
ذرائع کے مطابق نیب نے سعودی حکومت سے مل کی خریداری کے لئی ادائیگی کے ذرائع کی تفصیلات بھی مانگی ہیں اور خط میں کہا گیا کہ تمام تفصیلات 30 اگست تک فراہم کردی جائیں۔خیال رہے کہ قومی احتساب بیورو سابق وزیراعظم نواز شریف، مریم نواز، حسین نواز، حسن نواز، وزیر خزانہ اسحاق ڈار اور ایم این اے کیپٹن (ریٹائرڈ) محمد صفدر کے خلاف راولپنڈی ٗاسلام آباد کی احتساب عدالتوں میں ریفرنس دائر کریگا اور سپریم کورٹ کے حکم کے مطابق انہیں 6 ماہ میں ان کا فیصلہ کرنا ہے۔نیب نے پاناما کیس کے فیصلے کی روشنی میں شریف خاندان کے خلاف ریفرنسز کے لیے دو ٹیمیں بھی تشکیل دے دیں۔سعودی عرب میں ذرائع نے نیب کے خط ملنے کی ابھی تک تصدیق نہیں کی ہے تاہم یہ واضح کیاگیا ہے کہ جب بھی خط موصول ہوگا سعودی قوانین کے مطابق اس کا جواب دے دیاجائے گا۔ نیب نے شریف خاندان کے اثاثوں کی تفصیلات کیلئے سعودی حکومت کو خط لکھ دیا۔ نجی ٹی وی نے ذرائع کے حوالے سے بتایا کہ نیب نے سابق وزیراعظم نواز شریف اور ان کے صاحبزادوں حسن اور حسین نواز سمیت دیگر کے اثاثوں کی تمام تفصیلات سعودی حکومت سے مانگ لیں
