اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے اینکر پرسن عمران خان نے انکشاف کیا ہے کہ راولپنڈی سے مسلم لیگ(ن) کے شکست خوردہ رہنما حنیف عباسی کو (ن) لیگ کی جانب سے خصوصی فنڈ دیا جاتا ہے کہ یہ شہر میں اپنی گرفت مضبوط کرنے کیلئے استعمال کریں۔ (ن) لیگ کی جانب سے حنیف عباسی کو بڑے بڑے منصوبوں کا انچار ج بھی بنایا جاتا ہے۔ شیخ رشید احمد کہتے ہیں کہ ہمارے منصوبے مکمل نہیں
ہوتے کیونکہ ووٹ ہمیں ملا ہے لیکن فنڈز کسی اور کو دیئے جا رہے ہیں، نواز شریف کی جانب سے ووٹ کے تقدس کا احترام نہیں کیا گیا، نہ ہی عمران خان کو ترقیاتی فنڈ ملا اور نہ ہی شیخ رشید کو ، اس کے برعکس ہارنے والے شخص حنیف عباسی کو بھاری فنڈز جاری کئے گئے، نواز شریف کی حکومت نے کسی بھی دوسری مخالف سیاسی پارٹی کے جیتنے والے بندے کو کوئی فنڈ نہیں دیا، صرف اپنی اتحادی جماعتوں کے اراکین اسمبلی کو فنڈ ملا۔
