اسلام آباد(مانیٹرنگ ڈیسک)نواز شریف اپنے لاہور سفر کی جانب رواں دواں ہیں ۔گزشتہ رات جب قافلہ گوجرانوالہ پہنچا تو لیگی کارکنوں میں ڈالروں کی بارش کر دی گئی،ڈپٹی میئر پہلے گوجرانوالہ میں کارکنوں پر نوٹ نچھاور کرتے رہے لیکن اس کے بعد لیگی رہنما رضوان اسلم نے ن لیگ کے متوالوں پر ڈالر نچھاور کر دیئے جس سے کارکنوں میں جوش و جذبہ مزید بڑھ گیا،لیکن کچھ دیر بعد ہی مسلم لیگ ن خیبر پختونخوا کے صدر امیر مقام نے انہیں مزید غیرملکی کرنسی نچھاور کرنے سے روکدیا۔
دریں اثناسابق وزیر اعظم نواز شریف کی گجرات اور گوجرانوالہ میں کئی گئی تقاریر کیخلاف لاہورہائی کورٹ کے بعد سپریم کورٹ میں بھی درخواست دائر کر دی گئی ہے ‘ درخواست میں موقف اختیار کیا گیا ہے کہ نواز شریف نے اپنی تقریر میں عدالت عظمٰی سے اپنی نا اہلی کو سازش قرار دیا اور وہ مسلسل سپریم کورٹ پر الزام لگا رہے ہیں‘نواز شریف کی تقاریر توہین عدالت کے زمرے میں آتی ہے لہذا عدالت سے درخواست ہے کہ وہ ان کیخلاف توہین عدالت کی کاررواائی کرے۔ نجی ٹی وی کے مطابق ہفتہ کو سپریم کورٹ لاہور رجسٹری میں سابق وزیر اعظم نواز شریف کی گجرات اور گوجرانوالہ میں کئی گئی تقاریر کیخلاف درخواست دائر کر دی گئی ہے۔ عدالت میں دائر درخواست میں موقف اختیار کیا گیا ہے کہ نواز شریف نے اپنی نا اہلی کو سازش قرار دے دیا اور وہ مسلسل سپریم کورٹ پر الزام لگا رہے ہیں۔درخواست گزار نے عدالت سے استدعا کی کہ نواز شریف کی تقاریر توہین عدالت کے زمرے میں آتی ہے لہذا ان کے خلاف توہین عدالت کی کاررواائی کی جائے۔واضح رہے کہ نواز شریف نے مشن جی ٹی روڈ کے دوران لیگی کارکنا ن سے متعدد مواقع پر خطاب کرتے ہوئے کہا تھا کہ کروڑوں لوگوں نے مجھے ووٹ دے کر منتخب کیا اور پانچ افراد نے رسوا کر کے نکا ل دیا ،یہ اقدام عوام کے ووٹوں کی توہین ہے ،میں یہ توہین برداشت نہیں کر سکتا۔ گزشتہ روز لاہور ہائی کورٹ میں بھی نواز شریف کی عدلیہ مخالف تقاریر کو چیلنج کیا گیا تھا۔
