جہلم (مانیٹرنگ ڈیسک) سابق وزیر اعظم نواز شریف کا نا اہلی کے بعد گھر واپسی کا سفر جاری ہے، گزشتہ روز نواز شریف ریلی کی شکل میں جہلم پہنچے ۔ مختلف لوگ نواز شریف کی ریلی کے شرکاءکی تعداد کے بارے میں مختلف اندازے قائم کر رہے ہیں۔ ن لیگیوں کا کہنا ہے کہ نواز شریف کی ریلی میں 50 ہزار سے زائد افراد شریک تھے نجی ٹی وی چینل نیونیوز کی رپورٹ کے مطابق پولیس ذرائع کا کہنا ہے کہ ریلی میں 12

سے 15 ہزار لوگ موجود تھے، خفیہ اداروں کے مطابق 8 ہزار افراد اور 300 گاڑیاں ریلی میں شریک تھیں۔دوسری جانب اپوزیشن جماعت تحریک انصاف کے مطابق نواز شریف کی جہلم میں ریلی کے شرکا کی تعداد 5 سے 6 ہزار اور پیپلز پارٹی کے مطابق ریلی میں 5 سے 7 ہزار افراد شریک تھے۔لاہور: مشن جی ٹی روڈ کے تیسرے روز سابق وزیراعظم نواز شریف کا قافلہ جہلم سے لاہور کی جانب رواں دواں ہے۔ آج نواز شریف کا قیام گوجرانوالہ میں متوقع ہے۔ جہاں ان کے استقبال کی تیاریاں مکمل کرلی گئی ہیں۔ گزشتہ شب نواز شریف نے جہلم کے ہوٹل میں قیام کیا تھا۔دوسری جانب لاہور میں نوازشریف کے قافلے کی سیکیورٹی کے لیے اضافی نفری پہنچ گئی ہے۔ ملتان، ساہیوال اور وہاڑی سے پولیس اہلکار لاہور پہنچ گئے جبکہ پنجاب کانسٹیبلری کے اہلکاروں کو بھی لاہور طلب کر لیا گیا ہے۔گزشتہ روز نواز شریف کا جہلم پہنچنے پر پرتپاک استقبال کیا گیا تھا جہاں استقبال کے لیے آئے ہوئے عوام سے خطاب کرتے ہوئے سابق وزیراعظم کا کہنا تھا کہ مجھے ایک منٹ میں پانچ ججوں نے فارغ کر دیا گیا جو کروڑوں عوام کے ووٹوں کی توہین ہے۔نواز شریف نے عوام سے کہا کہ آپ کو بھی پوچھنا چاہیے کہ جب میں نے کرپشن نہیں کی تو پھر کیوں نکالا گیا؟۔ میرے ہاتھ اور دل صاف ہے جو پاکستان کی محبت میں ڈوبا ہوا ہے۔ میں پوچھنا چاہتا ہوں مجھے کیوں نکالا جبکہ میں نے ملک کی امانت میں کبھی بھی خیانت نہیں کی۔