اسلام آباد(مانیٹرنگ ڈیسک)عائشہ گلا لئی اور ناز بلوچ پر تحریک انصاف کی جانب سے لگائے جانے والے الزامات میں یکسانیت نے کئی سوالات کو جنم دیدیا۔ تفصیلات کے مطابق میڈیا رپورٹس اور پی ٹی آئی ذرائع کے مطابق عمران خان اور عائشہ گلا لئی کے درمیان اختلافات کی وجہ دبئی میں فنڈ ریزنگ کا حساب مانگنا بنا ہے۔ عائشہ گلہ لئی گزشتہ ایک برس سے دبئی میں پارٹی فنڈ ریزنگ کی انچارج تھیں۔ پارٹی فنڈ ریزنگ کا حساب مانگنے پرعمران خان سے اختلافات بڑھے ۔
عائشہ گلا لئی کی پارلیمانی کارکردگی بھی تسلی بخش نہیں تھی ۔دبئی فنڈ ریزنگ اور ٹکٹ سے نا امیدی پر عائشہ گلا لئی دلبرداشتہ تھیں ۔ جس کے بعد پشاور میں امیر مقام سے ملاقات کے بعد عائشہ گلالئی نے پاکستان تحریک انصاف کو چھوڑنے کا فیصلہ کیا۔ اس سے قبل پی ٹی آئی کی جانب سے ناز بلوچ کے تحریک انصاف چھوڑ کر پیپلزپارٹی میں جانے پر بھی ان پر بھی پارٹی فنڈ کے حوالے سے انگلیاں اٹھائی گئی تھیں اور کہا گیا تھا کہ فنڈ ریزنگ کے دوران حساب مانگنے پر انہوں نے تسلی بخش جواب نہیں دیا۔
