اسلام آباد (آئی این پی) عوامی مسلم لیگ کے سربراہ شیخ رشید احمد نے کہا ہے کہ نواز شریف کے ذریعے اس ملک کے خلاف سازش ہورہی ہے‘ نواز شریف جو جال بنتے جارہے ہیں خود اس میں دھر لئے جائیں گے‘ نواز شریف صاحب اگر آپ اتنے معروف ہوتے پہلے دن ہمالیہ روتا‘ شاہد خاقان عباسی اور شہباز شریف دونوں پر کیسز ہیں‘ میں شاہد خاقان عباسی پر انویسٹی گیشن کے پیپر داخل کررہا ہوں‘ چائنیز ہماری جان ہیں میں نے کہا تھا 2017 میں نواز شریف جائے گا اس دفعہ تو میرا تکا سو فیصد لگا ہے۔
کو میڈیا سے گفتگو کرتے ہوئے انہوں نے کہا کہ شاہد خاقان عباسی اور شہباز شریف دونوں پر کیسز ہیں ۔ پانامہ سے بڑا کیس ہے حدیبیہ پیپر کا میں صبح شاہد خاقان عباسی پر انویسٹی گیشن کے پیپر داخل کررہا ہوں ۔ انہوں نے کہا کہ آپ دیکھیں یہ قطری معاہدوں سے بھاگ جائیں گے ان کو پتہ تھا قطری معاہدے موت ہے۔ انہوں نے کہا کہ عدلیہ نے ایک عظیم فیصلہ دیا ہے نواز شریف کو ابھی بھی ایک مفت مشورہ دے رہا ہوں جو جال آپ بنتے جارہے ہیں اس میں آپ دھر لئے جائیں گے۔ اگر آپ اتنے مقبول ہوتے تو نواز شریف صاحب تو پہلے دن یہاں ہمالیہ روتا۔ ٹریفک جام ہوتی ایک مچھر نہیں مرا۔ اس ملک کے خلاف نواز شریف کے ذریعے سازش ہورہی ہے۔ شیخ رشید نے کہا کہ اکنامک کوریڈور پاکستان کی جان ہے چائنیز ہماری جان ہیں۔ انہوں نے کہا کہ آپ نے ان لوگوں کو منتخب کیا ہے جو دوبارہ نااہل ہوجائیں گے۔ آپ کے خلاف آٹھ آٹھ سو کروڑ کے ریفرنس میں چھ مہینے میں فیصلے ہونے ہیں۔ آپ اپنے آپ کو ٹارزن بنانے کی کوشش نہ کریں۔ میں نے کہا تھا 2017 میں نواز شریف جائے گا نواز شریف گیا ہے اس دفعہ تو میرا تکا سو فیصد لگا ہے۔
