اسلام آباد(مانیٹرنگ ڈیسک)سپریم کورٹ کے باہر مسلم لیگ ن اور تحریک انصاف کے کارکن آمنے سامنے، ایک دوسرے کے خلاف نعرے بازی، پولیس بیچ بچائو کراتی رہی۔ تفصیلات کے مطابق سپریم کورٹ کے باہر مسلم لیگ ن اور تحریک انصاف کے کارکن آمنے سامنے آگئے ہیں اور ایک دوسرے کے خلاف شدید نعرے بازی کر رہے ہیں جبکہ پولیس دونوں جماعتوں کے کارکنوں کے درمیان موجود
ہے اور خود کو بے بس محسوس کر رہی ہے کیونکہ انہیں کسی بھی قسم کا ایکشن لینے سے منع کر دیا گیا ہے۔ واضح رہے کہ کہ آج پانامہ کیس فیصلے کے موقع پر سپریم کورٹ اور گردونواح میں سکیورٹی کے سخت انتـظامات کئے گئے ہیں تاہم پھر بھی دونوں جماعتوں کے سیکڑوں کارکن سپریم کورٹ پہنچنے میں کامیاب ہو گئے ہیں۔جب کہ فیصلے کے بعد ممکنہ طو رپر شدید تصادم کا خطرہ پیدا ہو گیا ہے۔
