اسلام آباد (مانیٹرنگ ڈیسک) افغانستان میں گزشتہ ماہ اغوا ہونے والے 2 پاکستانی سفارتی اہلکاروں کو بازیاب کرالیا گیا ہے جس کی باضابطہ اطلاع افغان صدر اشرف غنی نے سفاتخانے ٹیلی فون کرکے دی۔پاکستانی دفتر خارجہ سے جاری ہونے والے بیان کے مطابق جلال آباد میں پاکستانی قونصلیٹ کے اغوا ہونیوالے 2 سفارت کاروں کو بحفاظت بازیاب کرا لیا گیا ہے جنہیں 16 جون 2017 ءکو جلال آباد سے طور خم جاتے ہوئے اغوا کر لیا گیا تھا۔

سفارتکاروں کی بازیابی کے بعد افغان صدر اشرف غنی نے کابل میں موجود پاکستانی ناظم الامور کو ٹیلی فون کر کے اطلاع دی کہ افغان سیکیورٹی فورسز نے ایک آپریشن میں 2 پاکستانی سفارت کاروں کو بازیاب کرالیا ہے ۔ دفتر خارجہ کے مطابق بازیابی کے بعد دونوں اہلکاروں کو افغان وزارت دفاع کے حکام نے کابل میں پاکستانی سفارت خانے کے حوالے کر دیا جبکہ یہ دونوں سفارت کار جلد اپنے اہل خانہ سے ملاقات کیلئے پاکستان آجائیں گے

موضوعات:افغان صدر اشرف غنی مغوی پاکستانی سفارتکار