اسلام آباد (آئی این پی)وفاقی وزیر داخلہ چوہدری نثار علی خان نے سیاست سے دستبرداری کے اعلان کے باوجود پارٹی اور وزیراعظم نوازشریف سے مکمل محبت کا اظہار کرتے ہوئے کہا کہ35 سال قبل جو لوگ نواز شریف کے ساتھ تھے ،ان میں اب میرے علاوہ کوئی موجود نہیں، اکثر پارٹی اور کچھ یہ جہاں چھوڑ گئے ہیں ، میں پارٹی نہیں چھوڑو نگا ۔
جمعرات کو پنجاب ہاؤس میں پریس کانفرنس سے خطاب کرتے ہوئے وزیر داخلہ چوہدری نثار علی خان نے کہا کہ 1985میں جو لوگ نواز شریف کے ساتھ تھے ،ان میں اب میرے علاوہ کوئی موجود نہیں، اکثر پارٹی چھوڑ گئے اور کچھ اس جہاں کو چھوڑ گئے، مجھے مسلم لیگ (ن) سے پیار ہے، پارٹی کو میاں نواز شریف نے اپنی محنت، ثابت قدمی سے قائم کیامگر ان کے ساتھ میرے سمیت اور بھی لوگ شامل تھے، ہم نے پارٹی کی ایک ایک اینٹ رکھ کے ہم نے قائم و دائم کیا۔
