حافظ آباد (آئی این پی)پاکستان تحریک انصاف سنٹرل پنجاب کے صوبائی سیکرٹری جنرل اور سابق صوبائی وزیر چوہدری شوکت علی بھٹی نے کہا ہے کہ عمران خان پاکستانی سیاست میں ہٹلر ثابت ہوں گے، انکی انتھک اور لازوال جدوجہد نے حکومتی ایوانوں میں لرزا طاری کردیا ہے،لیگی قیادت کی نیندیں حرام ہوچکی ہیں اور وہ نواز شریف کے اقتدار کو بچانے کے لئے آخری راؤنڈ میں بھی ناک آؤٹ ہوتے دیکھائی دیتے ہیں۔
وہ بروز ہفتہ اپنے بیان میں کہہ رہے تھے کہ جے آئی ٹی رپورٹ نے شریفوں کی شرافت کا لبادہ چاک کرنے کے بعد انہیں چور ثابت کردیا ہے جس کے بعد نواز شریف کے پاس استعفی دینے کے علاوہ کوئی اور راستہ نہیں ہے،لیکن انکے چند ایک مقربین انہیں اداروں سے محاذ آرائی پر اُکسارہے ہیں جس پر نواز شریف کے اپنے خاندان میں بھی اختلافات پائے جارہے ہیں۔
