اسلام آباد (این این آئی)عوامی مسلم لیگ کے سربراہ شیخ رشید نے کہا ہے کہ ایک شخص 20کروڑ عوام کے سامنے بضد ہوکر اکڑ دکھارہا ہے ٗن لیگ میں دراڑیں پڑ رہی ہیں۔میڈیا سے گفتگو میں شیخ رشید نے کہا کہ ملک میں دھوکے بازوں کی کمی نہیں ،سپریم کورٹ میں جعلی دستاویزات دینابھی بڑا جرم ہے۔ان کا کہناتھاکہ میں عمران خان کے ساتھ کھڑا ہوں،پیپلزپارٹی کے نوازشریف سے استعفے کے مطالبے پرخوشی ہوئی ہے ۔

خورشید شاہ کو کہا کہ پہلی بار آپ نے اسٹینڈ لیا ہے۔شیخ رشید نے کہا کہ نوازشریف نے منصوبہ کے تحت بچوں کو لندن اور سعودی بھیجا ٗغریب کے18سال کے بچے کا شناختی نہیں بنتاحسن،حسین اربوں اکٹھے کرگئے ۔شیخ رشید احمد نے کہاکہ ملک کے اداروں کو متنازعہ بنا یا جارہاہے اگرسپریم کورٹ کی جانب میلی آنکھ سے دیکھا گیا تو پوری قوم سپریم کورٹ کے ساتھ کھڑی ہو گی۔

موضوعات:جعلی دستاویزات حسن،حسین سپریم کورٹ شیخ رشید