لاہور ( آن لائن) پاکستان تحریک انصاف کی رکن پنجاب اسمبلی سعدیہ سہیل رانا نے ایک توجہ دلاؤ نوٹس پنجاب اسمبلی میں جمع کروا دیا ہے جس میں کہا گیا ہے کہ 31 لڑکیوں کو فلموں میں ہیروئن بنانے کا جھانسہ دے کر خواجہ سراء اور برطرف لیڈی پولیس کانسٹیبل پر مشتمل گروہ کا بیرون ملک فروخت کرنے کا انکشاف ، بعض تعلیمی اداروں کی طالبات بھی شامل۔ یہ گروہ گزشتہ سات سال سے طلبا اور لڑکیوں کو بیرون ملک نوکری دلوانے اور فلموں میں کام کروانے کا جھانسہ دیکر دبئی،
فلپائن، بنکاک میں لاکھوں روپے میں فروخت کر دیتے ، بدکاری کے لئے نہ ماننے پر لڑکیوں کے چہرے پر تیزاب پھینک دیا جاتا تاکہ دوسری لڑکیاں خوفزدہ ہو کر بدکاری کا دھندہ کریں۔ کیا یہ بھی درست ہے کہ اس گروہ کے سیاسی شخصیات کے علاوہ پولیس افسران سے بھی گہرے مراسم ہیں اس اہم معاملے میں پنجاب حکومت نے اب تک کیا اقدامات کئے ہیں، ایوان کو مکمل تفصیل سے آگاہ کیا جائے۔
