اسلام آباد(آئی این پی) وزیر مملکت برائے اطلاعات مریم اورنگزیب نے کہا ہے کہ اگر فیصلہ شریف خاندان کے تحفظات کے جواب دیئے بغیر آیا تو نامکمل ہوگا،شریف فیملی کے جے آئی ٹی پر آئینی وقانونی تحفظات ہیں،سپریم کورٹ کو تحفظات کا نوٹس لینا چاہیے،وزیراعظم کا احتساب مشرف دور اورپیپلزپارٹی کے دور میں بھی ہوا مگر وہ سرخرو رہے،
عمران خان بہکی بہکی باتیں کررہے ہیں،وہ اپنا احتساب نہیں کراسکتے تو دوسروں کا بھی ٹھیکہ نہیں لے سکتے ،عمران خان خود عدالتوں سے بھاگے ہوئے ہیں۔ہفتہ کو میڈیا سے گفتگو کرتے ہوئے مریم اورنگزیب نے کہا شریف فیملی کے جے آئی ٹی پر آئینی وقانونی تحفظات ہیں۔سپریم کورٹ کو تحفظات کا نوٹس لینا چاہیے۔تحفظات پر جواب کے بغیر کاروائی نامکمل ہوگی۔ انھوں نے کہا کہ عمران خان بہکی بہکی باتیں کرتے رہے ہیں۔ عمران خان اپنا احتساب نہیں کراسکتے تو دوسروں کا ٹھیکہ بھی نہیں لے سکتے ۔مریم اورنگزیب نے کہا کہ کوئی قانون ویڈیوریکارڈنگ کی اجازت نہیں دیتا۔امید ہے سپریم کورٹ تحفظات دور کرکے فیصلہ دے گی۔عمران خان خود عدالتوں سے بھاگے ہوئے ہیں۔ انھوں نے کہا کہ ہمیں کسی قسم کا ڈر نہیں۔وزیراعظم کااحتساب مشرف کے دور میں اور پیپلز پارٹی کے دور میں بھی ہوا۔مگر وزیراعظم سرخرو ہوئے۔وزیراعظم اس عدالت میں بھی اور 2018میں عوام کی عدالت میں بھی سرخرو ہوں گے۔جو بھی فیصلہ آئے گا وہ شریف فیملی کے تحفظات کے جواب دیئے بغیر آیا تو فیصلہ خود ہی نامکمل ہوگا۔
