اسلام آباد(مانیٹرنگ ڈیسک) پاکستان تحریک انصاف میں پیپلزپارٹی کے مرکزی رہنماامتیازصفدروڑائچ نے بھی شمولیت اختیارکرلی ہے اوروہ پیپلزپارٹی کے چوتھے رہنماہیں جوتحریک انصاف میں شامل ہوئے ہیں ۔امیتازصفدروڑائچ سے ملاقات کے بعد میڈیاسے گفتگوکرتے ہوئے عمران خان نے کہاکہ ‘میں امتیاز صفدر وڑائچ کوپارٹی کی طرف سے خوش آمدید کہتا ہوں کیونکہ گوجرانوالا ڈویژن ایک اہم علاقہ ہے اوران کی شمولیت سے تحریک انصاف
گوجرانوالہ میں مزیدمضبوط ہوگی ۔اس موقع پرایک صحافی نے عمران خان سے سوال کیاکہ پیپلزپارٹی کے رہنمابہت تیزی سے آپ کی جماعت میں شامل ہورہے ہیں توآپ بتائیں کہ آصف علی زرداری کب تحریک انصاف میں شمولیت اختیارکریںگے توعمران خان نے اس صحافی کوجواب دیتے ہوئے کہاکہ آصف علی زرداری کوڈرائی کلین کرنابہت مشکل ہے ۔عمران خان کی طرف سے یہ جواب سننے کے بعد وہاں پرموجود صحافی حیران رہ گئے ۔
