اسلام آباد(مانیٹرنگ ڈیسک) وفاقی تحقیقاتی ادارے (ایف آئی اے )کے تھانے سے لاکھوں روپے چوری کئے جانے کاانکشاف ہواہے ۔نجی ٹی وی کے مطابق ایف آئی اے کے وفاقی دارالحکومت میں واقع تھانے اقبال ٹائون میں لاکھوں روپے چوری کرلئے گئے ہیں اوراس چوری کامقدمہ بھی ایف آئی اے کے متعلقہ افسران نے اپنی ہی تھانے میں درج کرادیاہے اورایف آئی آرمیں کسی بھی ملازم کانام شامل تک نہیں کیاگیاہے ۔
واضح رہے کہ اقبال ٹائون تھانے میں ایف آئی اے نے فروری 2014ء میں ایف پی ایس سی کا پرچہ لیک کرنے والے ملزمان سے ایک کروڑ روپے سے زائد کی رقم برآمد کی تھی جو مال خانے میں پڑی تھی جبکہ اس مال خانے کانظام بھی ایف آئی اے اہلکاروں کے ذمے تھالیکن ایف آئی آرمیں اس مال خانے کےکسی بھی اہلکارکانام شامل نہیں کیاگیاہے ۔ نامعلوم افراد کے خلاف یہ ایف آئی آردرج کرلی گئی ہے
