اسلام آباد(مانیٹرنگ ڈیسک)معروف کالم نگار عثمان مجیب شامی ان دنوںوزیراعظم نواز شریف کے دورہ چین کے دوران صحافیوں کے گروپ کے ہمراہ سرکاری وفد میں شامل ہیں ۔ چین سے لکھے گئے کالم میں عثمان مجیب شامی نے وزیراعظم نواز شریف کی سربراہی میں پاکستانی وفد کے چین میں روزوشب کے ساتھ ساتھ قومی یکجہتی کے شاندار مـظاہرے کا بھی ذکر کیا۔ اپنے کالم میں انہوں نے ن لیگ کے خواجہ سعد رفیق اور وزیراعلیٰ پرویز خٹک کی دلچسپ نوک جھونک

کا ایک واقعہ بھی تحریر کیا ہے ۔ وہ لکھتے ہیں کہ بیجنگ میں ایک ریستورا ن میں رات کے کھانے کے دوران خواجہ سعد رفیق وقتاً فوقتاً پرویز خٹک کو ’’اکسانے‘‘ کی کوشش کرتے رہے لیکن جیسے ہی ماحول میں تلخی پیدا ہونے کے آثار نظر آنے لگتے، خود ہی فوری ’’بیک ٹریک‘‘ کر جاتے۔ پرویز خٹک بھی اْن کی ’حرکتوں ‘ سے محظوظ ہوتے رہے۔ یہ پاکستانی سیاستدانوں کا انوکھا روپ تھا جس میں سیاسی مفادات کی بجائے قومی مفاد زیادہ نمایاں تھا۔

موضوعات:پرویز خٹک سعد رفیق