شیخوپورہ(آئی این پی )تھانہ صدر شیخوپورہ کے علاقہ تاریخی سیرہ گاہ ہرن مینار روڈ پر 2مسلح موٹر سائیکل سواروں نے اندھا دھند فائرنگ کرکے ڈسٹرکٹ بار ایسویسی ایشن کی ممبر وکیل عالیہ شہزای کو ہلاک کردیا ملزمان فائرنگ کرتے ہوئے فرار ہونے میں کامیاب ہوگئے واقعہ کی اطلاع ملتے ہی صدر بار میاں عبدالرشید اور جنرل سیکرٹری بارمیاں لیاقت اور درجنوں خواتین وکلا ء جائے وقوعہ پر پہنچ گئیں

جہاں پر وکلا ء نے آج ہڑتال کا اعلان کردیا ہے بتایا گیا ہے کہ ایڈووکیٹ عالیہ شہزادی اپنی رہائش گاہ سن سٹی ہاوسنگ سوسائٹی سے حسب معمول کچہری کی طرف جارہی تھی کہ اچانک ہی دونامعلوم مسلح موٹر سائیکل سواروں نے خاتون ایڈووکیٹ پر فائرنگ کردی جسکے نتیجہ میں وہ جان بحق ہوگئی،صدر بار میاں عبدالرشید اور جنرل سیکرٹری بار میاں لیاقت وکلاء ساتھیوں کے ہمراہ جائے وقوعہ پر پہنچ گئے جہاں پر مردوخواتین دھاڑئے مار مار کررورہے تھے ،ساتھی ایڈووکیٹ کے قتل کئے جانے پر صدر بار کی کال پر عدالتوں کا بائیکاٹ اورہڑتال کی کال دے دی ہے ،دن دیہاڑئے قتل کی لرزہ خیز واردات کی اطلاع ملتے ہی ایس ایچ او صدر شیخوپورہ پولیس کی بھاری نفری کے ہمراہ جائے وقوعہ پر پہنچ گئے جنہوں نے لاش کو تحویل میں لے لیا ہے جبکہ ڈی پی او شیخوپورہ سرفرازخان ورک کی ہدایت پر تمام شہر کی ناکہ بندی کردی گئی ہے جبکہ خاتون کے قتل کئے جانے کے واقعہ کے حوالہ سے یہ ابھی قبل ازوقت ہے کہ واقعہ کسی دشمنی کا شاخسانہ ہے یا پھر دہشتگردی کا واقعہ ہے مقتولہ دوبچوں کی ماں بیان کی جاتی ہے ،جس کی لاش کو ڈیڈ ہاوس میں ضروری کاروائی کے لیے منتقل کردیا گیا ہے جہاں پر پولیس اور وکلاء کی بہت بڑی تعداد موجود ہے۔جس کی لاش کو ڈیڈ ہاوس میں ضروری کاروائی کے لیے منتقل کردیا گیا ہے جہاں پر پولیس اور وکلاء کی بہت بڑی تعداد موجود ہے۔