اسلام آباد(مانیـٹرنگ ڈیسک)ملک کی جامعات میں بڑھتی ہوئی انتہا پسندی اور نوجوانوں کو ورغلانے اور اپنے ساتھ شامل کرنے کی دہشتگردوں کی کوششوں کو ناکام بنانے کیلئے ملک بھر کی سرکاری و غیر سرکاری یونیورسٹیوں کے وائس چانسلرز اور سربراہوں کا اجلاس 18مئی کو جی ایچ کیو راولپنڈی میں طلب کر لیا گیا ہے۔ اجلاس کے دوران پہلی مرتبہ چیف آف آرمی سٹاف جنرل قمر جاوید باجوہ

جامعات کے سربراہوں اور وائس چانسلرز سے خطاب کرینگے۔واضح رہے کہ سوشل میڈیا کے ذریعے دہشتگردوں کے نظریات سے متاثر ہو کر خلافت کی سرزمین کی جانب ہجرت کی غرض سے دہشتگردوں کے چنگل میں پھنس جانے والے میڈیکل کالج کی طالبہ نورین لغاری اور مردان کی ولی خان یونیورسٹی میںتوہین مذہب کے الزام میں مشتعل ہجوم کے ہاتھوں طالب علم مشال خان کے قتل کے بعد حساس اداروں کی رپورٹس میں بھی اس بات کی نشاندہی کی گئی تھی کہ دہشتگرد پڑھے لکھے نوجوانوں کو اپنی صفوں میں شامل کرنے کیلئے اپنا نیٹ ورک ملک بھر کی جامعات میں پھیلا رہے ہیں اور سوشل میڈیا پر بھی بھرپور طریقے سے سرگرم ہیں ۔ جس کے تدارک کیلئے کی جانے والی کوششوں کے سلسلے میں جامعات کے سربراہوں اور وائس چانسلرز کو جی ایچ کیو میں اجلاس میں طلب کیا گیا ہے۔دہشتگرد پڑھے لکھے نوجوانوں کو اپنی صفوں میں شامل کرنے کیلئے اپنا نیٹ ورک ملک بھر کی جامعات میں پھیلا رہے ہیں اور سوشل میڈیا پر بھی بھرپور طریقے سے سرگرم ہیں ۔ جس کے تدارک کیلئے کی جانے والی کوششوں کے سلسلے میں جامعات کے سربراہوں اور وائس چانسلرز کو جی ایچ کیو میں اجلاس میں طلب کیا گیا ہے۔

موضوعات:آرمی چیف جی ایچ کیو