اسلام آباد(مانیٹرنگ ڈیسک) شہر اقتدار میں ہاؤسنگ سوسائٹی ہتھیانے والوں کے خلاف حساس اداروں نے ایکشن کیا ہے۔تفصیلات کے مطابق حساس اداروں نے ٹاپ سٹی سوسائٹی میں چھاپہ مار کر ایم کیوایم لندن کے مفرور کارکن زاہد کو گرفتار کرنے کا دعویٰ کیا گیا ہے جبکہ بھاری مقدار میں جدید اسلحہ بھی پکڑا گیا۔کارروائی بیوہ زاہدہ بی بی کی جانب سے دی گئی درخواست پر کی گئی،
ای الیون میں معیز نامی شخص کے دفترپرچھاپہ مار کر بھاری اسلحہ برآمد کرلیا گیا، پولیس کی جانب سے چوبیس گھنٹے تک تلاشی لی گئی جس میں زاہد نامی مفرور ملزم بھی پکڑا گیا۔سوسائٹی کے مالک کی بیوہ نے حساس ادارے کو درخواست تھی ، درخواست گزار خاتون کا کہنا تھا کہ شوہر کے انتقال پر ڈرا دھمکا کر سوسائٹی پر قبضہ کیاگیا، سوسائٹی کا پیسہ لندن میں بانی ایم کیوایم کو بھیجا جاتا ہے،سوسائٹی میں کراچی کے مفروروں کو پناہ دی جاتی ہے۔
