لاہور(مانیٹرنگ ڈیسک)سرگودھامیں جعلی پیرکے قتل عام کی رپورٹ وزیراعلی پنجاب شہبازشریف کوپیش کردی گئی ہے ۔ایک نجی ٹی وی کے مطابق محکمہ داخلہ پنجاب نے وزیراعلی پنجاب کوپیش کی گئی رپورٹ میں بتایاہے کہ ان ملزمان نے 7روزمیں مریدوں کوقتل کرنے کی منصوبہ بندی کی اوراس قتل عام کی منصوبہ بندی میں جعلی پیرکے علاوہ تین اورملزمان بھی شامل ہیں اورجس دن جعلی پیرعبدالوحیدنے مریدوں کوقتل

کیااس روزباقی تینوں وہاں پرموجود نہیں تھے ۔رپورٹ میں بتایاگیا کہ سرگودھاکی اس درگاہ میں خطرناک نشے کاروبارعام تھالیکن کبھی بھی پولیس نے ایکشن نہیں لیا۔رپورٹ میں بتایاگیاکہ مریدوں پرتشددکرکے کہاجاتاتھاکہ ان کاعلاج کیاجارہاہے اوریہ جہالت کی ایک انتہاہے ۔رپورٹ میں بتایاگیا کہ قانون نافذکرنےوالے اداروں نے پولیس اوردیگرمتعلقہ اداروں کی  لاعلمی اورنااہلی کے بارے میں بھی تحقیقات شروع کردی ہیں ۔