اسلام آباد(مانیـٹرنگ ڈیسک)عمران خان دھرنوں کی تیاریوں میں مصروف ہیں، پانامہ پر کمیشن بننے کی صورت میں نواز شریف کو بطور وزیراعظم دیکھنا نہیں چاہتے،تحریک انصاف کیا کرنے جا رہی ہے سینئر صحافی و تجزیہ کار سہیل وڑائچ نے اندر کی کہانی بتا دی۔
تفصیلات کے مطابق سینئر صحافی و تجزیہ کار سہیل وڑائچ نے تحریک انصاف کے سربراہ عمران خان کی سینئر صحافیوں کے ساتھ ملاقات کی روداد سناتے ہوئے بتایا کہ عمران خان پانامہ کیس کے متوقع فیصلے بارےبہت پر امید ہیںکہ فیصلہ نواز شریف کے خلاف آئے گا اور وہ یہ توقع رکھ رہے ہیں کہ اگر سپریم کورٹ نے پانامہ کیس پر کمیشن بنانے کا فیصلہ دیا تو تحریک انصاف یہ یقینی بنائی گی کہ اس دوران نواز شریف وزیراعظم نہ ہوں۔ان کا کہنا تھا کہ تحریک انصـاف کے سربراہ پانامہ کیس کا فیصلہ آنے کے فوری بعد ایک چارٹر آف ڈیمانڈلے کر آئیں گےجس میں دس مطالبات ہونگےجو کہ الیکشن ریفارمز اور شفاف الیکشن کیلئے ہونگےاور جب تک یہ ڈیمانڈ پوری نہیں ہونگی عمران خان نے کہا ہےکہ وہ الیکشن کا انعقاد نہیں ہونے دینگے ۔ عمران خان کو خدشہ ہے کہ اگر الیکشن ریفارمز اور شفاف الیکشن کیلئے ان کی ڈیمانڈ نہ مانی گئیں توآئندہ عام انتخابات گزشتہ انتخابات2013کی طرح ہونگے ۔ سہیل وڑائچ کا کہنا تھا کہ عمران خان نے کہاہے کہ وہ چارٹر آف ڈیمانڈ کیلئے تحریک چلائیں گے اگر انہیں دھرنا دینا پڑا تو وہ دھرنا دینگے ۔ تحریک انصاف کے سربراہ پانامہ کیس کا فیصلہ آنے کے بعد فوری طور پر چارٹر آف ڈیمانڈ دینے کی تیاری کر چکے ہیں۔
