اسلام آباد(مانیٹرنگ ڈیسک) سابق وزیرداخلہ ذوالفقارعلی مرزانے دعوی کیاہے کہ محترمہ بےنظیربھٹوکوآصف علی زرداری نے قتل کرایا ہےجبکہ آصف علی زرداری بھارتی خفیہ ایجنسی ’’را‘‘کے ایجنٹ ہیں ۔ایک نجی ٹی وی کے پروگرام میں گفتگوکرتے ہوئے ذوالفقارمرزانے کہاکہ پیپلزپارٹی کے رہنمامحمدخان چاچڑنے قتلکیاجبکہ اس کاڈرائیورجس کانام سلوتھاوہ گاڑی چلارہاتھااوربعد میں سلوجنوبی افریقہ چلاگیااوروہاں پرماراگیا۔
ذوالفقارمرزانے کہاکہ جیل سےڈاکٹرجاوید شاہ پیغام لے کرآیاتھااورآصف علی زراری اس وقت جیل میں تھے۔ انہوں نے کہاکہ اس سے زیادہ اورمیں کیاثبوت دے سکتاہوں۔ایک سوال میں جواب میں انہوں نےکہاکہ میں کسی کوحلف لینے سے روک نہیں سکتا،انہوں نے کہاکہ میں د وستی کی وجہ سے پہلے منہ نہ کھولااب اس لئے بول رہاہوں کہ آصف زرداری راکاایجنٹ ہے ۔ انہوں نے کہاکہ اب میں میدان میں ہوں اورمقابلہ کرتارہوں گا
