اسلام آباد (آئی این پی )محکمہ موسمیات نے کہا ہے کہ  آئندہ 24گھنٹوں  میں ملک کے بیشتر بالائی علاقوں میں مطلع جزوی طور پر ابر آلود  رہے گا  تاہم کشمیر اور اس سے ملحقہ پہاڑی علاقوں میں چند مقامات پر تیز ہواؤں اور گرج چمک کیساتھ ہلکی بارش کا امکان ہے۔ملک کے دیگر علاقوں میں موسم سرد اور خشک رہیگا۔ آئندہ 48گھنٹوں  میں ملک کے بیشتر علاقوں میں موسم سرد اور خشک رہے گا تاہم کوئٹہ، قلات، مکران ،ژوب، مالاکنڈ، ہزارہ ڈویژن، گلگت بلتستان، فاٹا، کشمیر اور

اس سے ملحقہ پہاڑی علاقوں میں چند مقامات پر  تیز ہواؤں اور گرج چمک کے ساتھ بارش کا امکان ہے۔گزشتہ 24 گھنٹوں  میں ملک کے بیشتر علاقوں میں موسم خشک رہا  تاہم کوئٹہ، ژوب، مکران ڈویژن اور فاٹا میں چند مقامات پر تیز ہواؤں اور گرج چمک کیساتھ بارش جبکہ سبی، لاڑکانہ، گوجرانوالہ، ملتان، بہاولپور،سرگودھا اور ڈی جی خان ڈویڑن میں بوندا باندی ہوئی۔ سب سے زیادہ بارش بلوچستان:کوئٹہ(شیخ ماندہ)18، کوئٹہ(سمنگلی)17، تربت11، خضدار09، ڑوب07، خیبرپختونخوا: پاراچنار14 ملی میٹر ہوئی۔

موضوعات:موسم