اسلام آباد(آن لائن) سوشل میڈیا پر گستاخانہ مواد کی اشاعت کے خلاف ملک بھر کی دینی جماعتوں نے تحریک تحفظ ناموس رسالت کے نام سے تحریک چلانے کا اعلان کر دیا ہے ،سوشل میڈیا نبی پاکﷺ کی توہین سب سے بڑا جرم ہے حکو مت شان رسالتﷺ میں گستاخی کرنے والوں کے خلاف کاروائی کرکے سخت ترین سزا دے،آج بروزہ جمعہ تمام مساجد میں گستاخانہ مواد کی شدید مذمت اور اگلے بدھ کے روز نیشنل پریس کلب
کے سامنے احتجاجی مظاہرہ کیا جائے گا،شان رسالت میں گستاخی کرنے والوں کے خلاف انتظامیہ فوری کاروائی کرے بصورت دیگر ایسے عناصر کو سز ا دینے کیلئے ہر دور میں ممتاز قادری پیدا ہوتے رہیں گے ۔اسلام آباد میں دینی جماعتوں اور مدارس کے مشترکہ اجلاس کے بعد میڈیا سے بات چیت کرتے ہوئے وفاق المدارس العربیہ ملتان کے ڈپٹی جنرل سیکرٹری تحریک تحفظ ناموس رسالت کمیٹی کے صدرمولانا قاضی عبدالرشید نے مولانا ظہور احمد علوی، مولانا محمدنذیر فاروقی، مولانا عبدالحمید ،مفتی محمد عبداللہ قاری عبدالوحید قاسمی،مولانا ممتاز الحق صدیقی اور قاضی اسد ایڈوکیٹ کے ہمراہ مشترکہ پریس کانفرنس سے خطاب کرتے ہوئے کہاکہ گذشتہ کچھ عرصے سے سوشل میڈیا خصوصاً فیس بک پر نبی پاکﷺکی شان میں گستاخیوں کا سلسلہ جاری ہے اور ملک کے کروڑوں مسلمانوں کے جذبات کو مجروح کیا جارہا ہے انہوںنے کہاکہ مسلمان ہر طرح کا نقصان برداشت کر سکتا ہے مگر اپنے نبی ﷺ کی شان میں گستاخی کسی صورت برداشت نہیں کر سکتا ہے انہوںنے کہاکہ پاکستان ایک نظریئے کے تحت آزاد ہوا ہے اور پاکستان میں 98فیصد مسلمان بستے ہیں جو کہ اپنے مذہبی عقائد کی توہین کسی صورت بھی برداشت نہیں کر سکتے ہیں انہوںنے کہاکہ بعض عناصر آزادی اظہار کے نام پر نبی پاکﷺ کے خلاف فیس بک اور سوشل میڈیا پر توہین آمیزباتیں
لکھتے ہیں اور مسلمانوں کے مذیبی جذبات کو مجروح کرتے ہیں مگر بدقسمتی سے حکومت ایسے عناصر کے خلاف کسی قسم کی کاروائی نہیں کر تی ہے انہوںنے کہاکہ نبی پاکﷺ کی توہین سے آج پاکستان کے مسلمانوں میں شدید بے چینی پیدا ہوئی ہے اور ہر مسلمان خون کے آنسو رورہاہے اور حکومت کی اسی نااہلی کے خلاف دینی جماعتوں اور مدارس نے تحریک تحفظ ناموس رسالت کے نام سے تحریک شروع کرنے کا
اعلان کر دیا ہے انہوںنے کہاکہ اس سلسلے میں آج بروزہ جمعہ تمام مساجد میں توہین رسالت کے بارے میں آئمہ کرام عوام کو اگاہ کریں گے اور اس کی شدید مذمت کی جائے گی جبکہ بدھ کے روزنیشنل پریس کلب کے سامنے ایک بڑی احتجاجی مظاہرہ کیا جائے گاانہوںنے کہاکہ تحریک کے قائدین گستاخانہ مواد کی اشاعت روکنے اور ذمہ داروں کو سزائیں دینے کیلئے وفاقی وزیر داخلہ سمیت اہم اداروں کے سربراہوں سے ملاقاتیں
کرے گی اس موقع پر مولانا عبدالمجید ہزاروی نے کہاکہ سوشل میڈیا پر بھینسا اور دیگر ناموں سے ایسے پیچ بنائے گئے ہیں جس میں آزادی اظہار کے نام پر توہین رسالت کی جاتی ہے انہوںنے کہاکہ ملک میں مغربی تہذیب نظریئے او رمفادات کے تحت کام کرنے والی نام سول سوسائٹی گستاخانہ رسول کی حمایت کر رہی ہے اگر ایسے واقعات کو نہ روکا گیا تو ہر دور میں ممتاز قادری پیدا ہوتے رہیں گے ۔
