رائے ونڈ(آئی این پی) 350چینی کمپنیاں ریلوے ٹریک کا نظام درست بنانے میں مصروف ،2018میں لاہور سے کراچی جانے والی ٹرین دس سے گیارہ گھنٹوں میں ایک سو ساٹھ کلو میٹر کی رفتار پر اپنا سفرمکمل کرے گی، وفاقی وزیر ریلوے خواجہ سعد رفیق نے کہا کہ غیر ملکی جرائد پاکستان کو سرمایہ کاری کیلئے فیورٹ ملک قرار دے رہے ہیں

چونکہ میاں نواز شریف فاصلے کم کرنے پر یقین رکھتے ہیں، ان کی مدبرانہ پالیسیوں سے ہی آج ملک بلند مقام حاصل کررہا ہے ۔ وہ ہفتہ کو یہاں رائیونڈ ریلوے اسٹیشن کی اپگریڈیشن کی تقریب سے خطاب کررہے تھے۔ اس موقع پر ایم این اے وزیر اعظم کے مشیر ملک افضل کھوکھر صوبائی رکن چوہدری گلزار احمد گجر ،چیف کورڈینیٹر چوہدی جاوید اقبال گجر ،مولانا طارق جمیل ،جیئر مین میاں مبشر حسین ،چیئر مین میاں داؤد خاں ،چیئر مین افضل میو، وائس چیئر مین حاجی رانا محمد اعظم خاں اور درجنوں کونسلرز حضرات اور ہزاروں کارکنان نے شرکت کی آخر میں اہلیان رائیونڈ نے مسلم لیگ ن زندہ باد کے نعرے لگائے ۔ انہوں نے کہاکہ ن لیگ کی قیادت عوام کی خدمت اور ان کے مسائل حل کرنے کو ترجیح دے رہی ہے،

الزام تراشیوں سے عوام کی کوئی بھلائی نہیں ہوسکتی ملک بھر میں چالیس ریلوے اسٹیشنوں کی تعمیر نو ،بحالی ،اور تزائن و آرا ئش کے بڑے منصوبے کا آغاز کیا گیا ہے 350چینی کمپنیاں ریلوے ٹریک کا نظام درست بنانے میں مصروف جبکہ 2018میں لاہور سے کراچی جانے والی ٹرین دس سے گیارہ گھنٹوں میں ایک سو ساٹھ کلو میٹر کی رفتار پر اپنا سفرمکمل کرے گی ،رائیومڈ بین الاقوامی شہر میں سالانہ عالمی تبلیغی اجتماع کے علاوہ روزانہ ہزاروں فرزندان اسلام تبلیغی سلسلہ میں آنے اور جانے کے مسائل کو مدنظر رکھتے ہوئے رائیونڈ ریلوے اسٹیشن کو کشادہ اور اپ گریڈیشن کا آغاز کر رہے ہیں ریلوے لینڈ ریکارڈ 90فیصد کمپیوٹرائز ہو چکا ہے ساڑے تین سالوں میں ریلوے کے نظام کو درست کرنے میں مسلم لیگ ن کی قیادت کو فخر ہے۔