لاہور(آئی این پی )پنجاب فوڈٖ اتھارٹی کی ٹیموں نے شہر میں ناقص اشیاء خوردونوش فراہم کرنے والے والوں کے خلاف کاورائی کرتے ہوئے ایڈیشنل ڈائریکٹر جنرل لبنی ٰ رشید اور ڈائریکٹر آپریشنزرافیعہ حیدر نے مشترکہ کاروائی کرتے ہوئے خالد اینڈ کمپنی (چاکلیٹ مینوفیکچرنگ یونٹ )کوٹ لکھپت کو ناقص جسمانی صفائی ،فالتو سامان کی موجودگی ،سویا لیسیتھین کی خراب صورتحال ، کھلی ہوئی نالیوں اور مصنوعات کو پاؤں کی سطح پر رکھنے کے باعث 50000 روپے جرمانہ ، فریش ان (پراڈکشن یونٹ) کو 20000 روپے جرمانہ جبکہ ڈان بریڈ اور بریڈ اینڈ بی اونڈ (پراڈکشن یونٹ )کی صورتحال کو تسلی بخش قرار دیا۔

پنجاب فوڈٖ اتھارٹی کی ٹیموں نے انٹر کالج کیفے گورنمنٹ کالج یونیورسٹی لاہور کو جوس کے گندے جگوں ،اشیاء کو اخبارات میں لپیٹنے اور ناقص جسمانی صفائی کی بنا پر 20000 جرمانہ اور سیل کرنے کا آخری انتباہ، گورنمنٹ کالج یونیورسٹی میں ہی پوسٹ گریجویٹ کیفے لاہور کو گندی دیواروں اور برتنوں،اشیاء کو اخبارات میں لپیٹنے ،کچن میں فالتو سامان کی موجودگی پر 25000 روپے جرمانہ عائد کرنے کے ساتھ سیل کرنے کا آخری انتباہ بھی جاری کیا ۔شالیمار بیگم پورہ میں راجہ اینڈ سنز بیکری کو 7500 روپے جرمانہ جبکہ ندیم سویٹس (پراڈکشن یونٹ )کو سرکاری حکم پر ڈی سیل اور تین دن کے اندر غلطیوں کو درست کرنے کے اورپراڈکشن کو درستگی تک بند رکھنے کا حکم دیا۔علامہ اقبال میڈیکل کالج میں ڈاکٹر جوس کارنر کو نیلے ڈرمز کے استعمال پر 13000 روپے جرمانہ اور نیلے ڈرم کو ختم کرنے کا آخری انتباہ بھی جاری کیا ۔داروغہ والا میں شیرِ پنجاب سویٹس اینڈ بیکرز کو کھلی ہوئی نالیوں ،اشیاء کو اخبارات میں لپیٹنے اور ناقص جسمانی صفائی کی بنا پر 7000 روپے جرمانہ جبکہ گجر ملک شاپ کو لائسنس بنوانے کی ہدایات جاری کی ۔بادامی باغ میں علی ہجویر ی نان شاپ کو زائد المیعاد بوتلوں کی فروخت پر 20000 روپے جرمانہ اور زائد المعیاد بوتلوں کو تلف کر دیا ۔ اقصیٰ چوک میں مریم فوڈز اینڈ کیٹرنگ کوہاتھ دھونے کی سہولت نہ ہونے ،ناقص جسمانی صفائی ،اشیاء کو نہ ڈھانپنے کے باعث 7000 روپے جرمانہ عائد کیا ۔قائد اعظم انڈسٹریل اسٹیٹ کوٹ لکھپت میں اسامہ فوڈز کوتیل بدلی کے ریکارڈ نہ ہونے پر 8000 روپے جرمانہ اور چھ دن کے اندر حالات بہتر کرنے کے احکامات جاری کیے ۔

موضوعات:پنجاب فوڈ اتھارٹی