اسلام آباد ( آئی این پی ) پاکستان تحریک انصاف کے رہنما و رکن قومی اسمبلی شفقت محمود نے کہا ہے کہ حکومت کا قطری خط اور منی ٹریل جھوٹ ثابت ہو گئی ، وزیر اعظم نہیں بچیں گے ، پرویز مشرف کی پاکستان میں حمایت نہ ہونے کے برابر ہے ، وہ اتحاد کیا بنائیں گے ۔
وہ پیر کو پارلیمنٹ ہاؤس کے باہر میڈیا سے گفتگو کر رہے تھے ۔ انہوں نے کہا کہ پانامہ کیس میں یہ تاثر دینے کی کوشش کی گئی کہ خط کے پیچھے قطری حکومت کا ہاتھ ہو۔ لیکن اب قطری سفیر کے بیان کے بعد ثابت ہو چکا ہے کہ قطری حکومت کا خط سے کوئی تعلق نہیں ۔ یہ خط اور حکومت کی بتائی گئی منی ٹریل مکمل طور پر جھوٹ پر مبنی ہے ۔ پورے کیس میں ن لیگ کی کسی بات میں صداقت نہیں ۔ شفقت محمود نے کہا کہ پرویز مشرف کی پاکستان میں سپورٹ نہ ہونے کے برابر ہے وہ اتحاد کیا بنائیں گے ۔پانامہ کیس ثابت ہو چکا ہے ۔ سماعت بھی خیر جلد مکمل ہو جائے گی ۔ وزیر اعظم نہیں بچیں گے
