اسلام آباد (آئی این پی) انٹرنیشنل ریسرچ انسٹیٹیوٹ اور انسٹیٹیوٹ فار پبلک اوپینین کے ایک سروے میں پاکستان کے سیاسی قائدین میں وزیر اعظم میاں محمد نواز شریف کو مقبول ترین لیڈر قراردیا گیا ہے ، جب کہ سابق آرمی چیف راحیل شریف کو 85 فیصد مقبولیت کا ووٹ ملا ہے ،
سیاسی رہنماؤں میں تحریک انصاف کے چیئرمین عمران خان مقبولیت میں 39 فیصد ووٹوں کے ساتھ دوسرے اور پیپلز پارٹی کے چیئرمین بلاول بھٹو زرداری 32 فیصد ووٹوں کے ساتھ تیسرے نمبر ہیں ، تفصیلات کے مطابق انٹرنیشنل انسٹیٹیوٹ اور انسٹیٹیوٹ فار پبلک اوپینین کے سروے میں نواز شریف کی مقبولیت 63 فیصد قرار دی گئی ہے ۔ تحریک انصاف کے سربراہ عمران خان کو 39 فیصد مقبولیت کے ووٹ ملے ۔ چیئرمین پیپلز پارٹی بلاول بھٹو کو مقبولیت کے لئے 32 فیصد ووٹ ملے ۔سروے رپورٹ کے مطابق 59 فیصد پاکستانیوں کو پانامہ بارے کچھ معلوم نہیں ۔ 26 فیصد لوگ پانامہ لیکس کی مکمل تحقیقات چاہتے ہیں جب کہ 38 فیصد پانامہ لیکس کے بارے کچھ نہ کچھ دلچسپی رکھتے ہیں ۔ 66 فیصد عوام نے وفاق میں وزیر اعظم میاں محمد نواز شریف کی کارکردگی پر اطمینان کا اظہار کیا ۔
