لاہور(نیوزڈیسک)وزیراعلیٰ پنجاب محمد شہبازشریف نے بلائنڈ ورلڈ ٹی20 ٹورنامنٹ میں بھارت کے خلاف کامیابی پر قومی بلائنڈ کرکٹ ٹیم کے کھلاڑیوں کو مبارکباد دی ہے۔ وزیراعلیٰ نے اپنے تہنیتی پیغام میں کہا کہ قومی بلائنڈ کرکٹ ٹیم نے بھارت کے خلاف میچ میں بہترین کارکردگی کا مظاہرہ کیا ہے اور پاکستانی کھلاڑیوں نے روایتی حریف بھارت کے خلاف میدان میں اپنی بھرپور صلاحیتیں دکھائیں،

بلاشبہ بھارت کے خلاف اہم میچ میں کامیابی ٹیم ورک کا نتیجہ ہے ۔ انہوں نے کہا کہ فائنل میں کامیابی کیلئے قومی کرکٹ ٹیم کے کھلاڑیوں کو اسی عزم اور جذبے کے ساتھ کھیلنا ہوگا۔