اسلام آباد (آئی این پی) پاکستان تحریک انصاف کی پارلیمانی پارٹی نے قومی اسمبلی میں ناخوشگوار واقعہ کے خلاف تحریک استحقاق جمع کروا دی ‘ حکومتی جماعت کو ایوان میں اس دنگل کا ذمہ دار ٹھہر ایا گیا ہے‘ تحریک انصاف کے رہنما شاہ محمود قریشی کی قیادت میں پارلیمانی گروپ نے یہ تحریک جمعہ کی صبح قومی اسمبلی سیکرٹریٹ میں جمع کروائی۔ تحریک استحاق میں وزیر پٹرولیم و

قدرتی وسائل شاہد خاقان عباسی‘ قائمہ کمیٹی برائے پارلیمانی امور میاں عبدالمنان اور کیپٹن (ر) محمد صفدر کو حملے کا ذمہ دار ٹھہرا یا گیا ‘ تحریک استحقاق پر پارلیمانی پارٹی کے 23اراکین نے دستخط کئے ۔ تحریک میں کہا گیا ہے کہ تحریک انصاف کے متذکرہ اراکین اپوزیشن کی طرف آئے اور حملہ آور ہوگئے۔ مسلم لیگ (ن) پر نازیبا ریمارکس کہنے کے الزامات بھی عائد کئے گئے ۔ اپوزیشن پر حملے کے ان ذمہ داران کے خلاف کارروائی کی جائے۔

موضوعات:تحریک انصاف