کراچی (مانیٹرنگ ڈیسک )زمین کا درجہ حرارت بڑھ رہا ہے اوراگرزمین کا درجہ حرارت چار ڈگری سینٹی گریڈ اور بڑھ گیا تو دنیا کے بڑے شہروں کا بیشتر حصہ زیرآب آجائے گاجن میں کراچی کے اولڈ سٹی ایریا بھی ڈوبیں گے۔تفصیلات کے مطابق جس طرح پانی ابل کر منہ کو آتا ہے، ویسے ہی زمین کا درجہ حرارت بڑھے تو سمندر پھیلتا ہے۔ ماہرین ماحولیات بتاتے ہیں کہ پانی کا پارہ چڑھ جائے تو بہت سوں کے روزگار کا ذریعہ پیر وں تلے زمین بھی چھین لیتا ہے۔
تحقیق بتاتی ہے کہ یہ کرہ ارض، چار ڈگری سینٹی گریڈ مزید گرم ہوجائے تو سرپھراسمندر ساٹھ کروڑ آبادی کے زیراستعمال رقبے کو متاثر کرے گا۔ سائنسدان اس تبدیلی کی توقع آئندہ سو سال تک کررہے ہیں۔ماہرماحولیات ڈاکٹر معظم کا کہنا ہے کہ سڈنی، نیویارک، شنگھائی اور ممبئی سمیت درجہ حرارت میں اضافہ جہاں دنیا کے دیگر بڑے شہروں کو متاثر کرے گا وہیں سمندر کنارےآباد کراچی بھی اس سے بچ نہیں پائے گا۔ماہرین کا اندازہ ہے کہ کراچی کے قدموں کو چھوتا سمندر بپھرا تو پرانا شہر بہالے جائے گا۔تحقیق نے مستقبل میں خطرے کی گھنٹی بجادی ہے ۔
