اسلام آباد (مانیٹرنگ ڈیسک) پانامہ لیکس کیس کی سماعت کے دوران کمرہ عدالت کچھا کھچ بھرا ہونے کے باعث تحریک انصاف کے چیئرمین عمران خان کو خاصی دیر تک کھڑے رہنا پڑا۔ اس کمرہ عدالت میں صرف 40 کے قریب افراد کے بیٹھنے کی گنجائش ہے۔ بالآخر عمران کو سیٹ مل ہی گئی۔ عمران خان کے ہاتھ میں گزشتہ روز پہلی مرتبہ تسبیح بھی نظر آئی۔ اس سے پہلے والے بنچ اور 2013ءکے انتخابات میں دھاندلی سے متعلق درخواست کی سماعت کے دوران تحریک انصاف کے سربراہ کے ہاتھ میں کبھی بھی تسبیح نہیں دیکھی گئی، تاہم جب بھی بینچ میں شامل کوئی جج ریمارکس دیتے یا پی ٹی آئی کے وکیل نعیم بخاری سے کوئی سوال پوچھتے تو عمران خان کے دائیں ہاتھ کی انگلیاں تسبیح پر زیادہ تیزی سے چلنا شروع ہوجاتی تھیں۔کمرہ عدالت سے نکلنے کے بعد تحریک انصاف کے سربراہ نے تسبیح اپنی جیب میں ڈال لی۔

موضوعات:پانامہ لیکس کیس