اسلام آباد (آن لائن) عوامی مسلم لیگ کے سربراہ شیخ رشید احمد نے کہا ہے کہ خدا کے بعد پرویز مشرف کو جنرل(ر) راحیل شریف نے بچایا۔پیپلز پارٹی نے بھی آصف زرداری کی واپسی کیلئے ڈیل کی زرداری ایک ہفتے کیلئے آئیں گے پیپلز پارٹی کا ٹیسٹ دسمبر کے آخری ہفتہ میں ہوگا، نوازشریف چودھری نثار اور شہباز شریف کو خود ہٹانا چاہتے ہیں۔
نجی ٹی وی سے گفتگو میں شیخ رشید نے کہا کہ مشرف اگر وطن واپس آئے تو بڑی غلطی کریں گے فوج کبھی برداشت نہیں کرسکتی کہ غداری کے مقدمہ میں آرمی چیف کا ٹرائل ہو۔واضح رہےکہ گزشتہ دنوں سابق صدرجنرل (ر) نےاس بات کی تصدیق کی تھی کہ سابق آرمی چیف جنرل راحیل شریف نے ان کوملک سے باہربھیجنے میں مددکی تھی ۔
