اسلام آباد(خصوصی رپورٹ )اسلام آبادکاسیکٹرایف سیون لرز رہاہے اوراتنی ہیوی مشینری کام کررہی ہے کہ اس سیکٹرکے مکین زلزلہ سمجھ کرگھروں سے باہرآگئے ہیں ۔تفصیلات کے مطابق چین کی تیل وگیس کی کمپنی بی جی پی (BGP)نے رات گئے اسلام آبادکے سیکٹرایف سیون میں تیل وگیس کی تلاش کاکام شروع کیاتواس کی ہیوی مشینری سے یہاں کے مکین خوف زدہ ہوکرگھروں سے باہرنکل آئے کہ کہیں زلزلہ تونہیں آیا۔
اس معاملے کاکھوج لگانے کےلئے Javedch.comکی رپورٹنگ ٹیم سکیٹرایف سیون کی اس جگہ پہنچ گئی جہاں یہ ہیوی مشینیں تیل کی تلاش کے لئے استعما ل ہورہی تھیں ۔رپورٹنگ ٹیم کوبتایاگیاکہ بی جی پی (BGP)کوتیل وگیس کی تلاش کایہ ٹھیکہ Molکمپنی نے دیاہے اوریہ چینی کمپنی ایک ماہ سے اسلام آبادکے مختلف حصوں میں تیل وگیس کی تلاش جاری رکھے ہوئے ہے جبکہ مزید چاردن یہ کام جاری رکھے گی ۔اس کمپنی کاعارضی ہیڈآفس E.16میں ہے ۔اس موقع پرجب رپورٹنگ ٹیم نے تیل وگیس تلاش کرنے والے کمپنی کے اہلکارسے پوچھاتواس نے نام نہ ظاہرکرنے کی شرط پربتایاکہ یہ کمپنی چک شہزاد میں سروے مکمل کرچکی ہے اوراب فیصل مسجد سے لیکرجڑواں شہرراولپنڈی کے علاقے گلبرگ تک تیل وگیس کی تلاش کاکام کرے گی ۔اس اہلکارکوجب یہ کہاگیاکہ اس ہیوی مشینری سے قریب کی آبادی میں خوف وہراس ہے اورعمارتیں بھی لرز رہی ہیں تواس کاکہناتھاکہ ایسی کوئی با ت نہیں ان مشینوں کی دھمک زیادہ ہے لیکن قریبی گھروں کوکوئی نقصان نہیں پہنچے گا۔اس اہلکارنے بتایاکہ اس وقت کمپنی کے پارٹی منیجرمدثرجدون اورپارٹی چیف پنگ آن جائے وقوعہ پرموجود ہیں ۔اس دوران رپورٹنگ ٹیم کے مشاہدے میں آیاکہ اس ہیوی مشینری کے استعمال کے وقت سڑک لرز رہی تھی اورساتھ سے گزرنے والی گاڑیاں بھی لڑکھڑارہی تھیں ۔
تصاویر:راجہ حنیف
