اسلام آباد (مانیٹرنگ ڈیسک)پاکستان انسٹیٹیوٹ آف میڈیکل سائنسز (پمز) میں زیرعلاج معذورلڑکی سے زیادتی کیس کے ملزم نے اسلام قبول کر لیاہے ۔ تفصیلات کے مطابق نجمہ بی بی زیادتی کیس میں پمز کا نومسلم وارڈ بوائے ملزم کرشن کمارعرف محمد کبیر ایڈیشنل سیشن جج راجہ آصف کے روبرو پیش ہوا۔ جج نے استفسار کیا کہ ملزم کو مقدمے میں کس نام سے نامزد کیا گیا ہے جس پر ملزم کے وکیل نے بتایا کہ اس کے موکل نے اسلام قبول کرلیا ہے، اسے کرشن نام سے نہ پکارا جائے۔عدالت نے ہدایت کی کہ آئندہ سے ملزم کو کریشن کمارعرف محمد کبیر سے پکارا اور لکھا جائے، عدالت نے گواہان کے پیش نہ ہونے پر برہمی کا اظہار کرتے ہوئے دوبارہ طلبی کے سمن جاری کر دیے، مقدمے کی مزید سماعت جنوری کے دوسرے ہفتے تک ملتوی کردی گئی۔واضح رہے کہ اپریل 2016 میں پمز اسپتال کے آئی سی یو میں زیر علاج بائیس سالہ لڑکی کو وارڈ بوائے کرشن کمار زیادتی کا نشانہ بنا کر فرارہوگیا تھا جسے بعد میں ہری پور سے گرفتار کیا گیا۔انکوائری رپورٹ کے مطابق اسپتال انتظامیہ کی نا اہلی اورناقص انتظامات واقعے کی بڑی وجہ بنے، زیادتی کا واقعہ 8 اور 9 اپریل کی درمیانی شپ پیش ا?یا تھا جبکہ اسپتال انتطامیہ کو واقعے کی اطلاع صبح ساڑھے 10 بجے کی گئی تھی۔ میڈیا پر خبر چلنے کے بعد ملزم کرشن کمار اسپتال ا?نے کے بجائے غائب ہوگیا تھا۔ سماء4