راجن پور(آئی این پی)پاکستان تحریک انصاف کی رہنما شیریں مزاری کے بھائی نے پاکستان مسلم لیگ (ن) میں شمولیت کا اعلان کر دیا۔نجی ٹی وی کے مطابق پیر کو پی ٹی آئی کی رہنما شریں مزاری کے بھائی نے حکمران جماعت مسلم لیگ (ن) میں شمولیت کا اعلان کر دیا۔ واضح رہے کہ اس کے علاوہ اور بھی ایسے خاندان ہیں جن کے چشم وچراغ نے ایک ہی خاندان سے تعلق رکھنے کے بعد دو مختلف جماعتوں میں شمولیت اختیار کر رکھی ہے جن میں شامل شاہ محمود قریشی کا تعلق پی ٹی آئی اور ان کے بھائی مرید حسین شاہ کا تعلق (ن) لیگ سے ہے ، اسد عمر کا تعلق پی ٹی آئی اور ان کے بھائی زبیر عمر کا تعلق (ن) لیگ سے ہے اسی طرح سابق صدر فاروق لغاری کی بھتیجی آئلہ ملک کا تعلق پی ٹی آئی سے ہے اور ان کی بہن سمیرا ملک کا تعلق (ن) لیگ سے ہے۔(م ن)

موضوعات:اہم ترین رہنما تحریک انصاف