لاہور(آئی این پی) عوامی مسلم لیگ کے سر براہ شیخ رشید احمد نے کہا ہے کہ عمر ان خان کا اتحاد ی ضرور مگر آزاد ہوں پیپلزپارٹی کے احتجاج میں شر کت کا سوچ سکتا ہوں ‘ پیپلزپارٹی قومی اسمبلی میں (ن) لیگ کی آصف زرداری کیخلاف ایک ہی دھمکی پر ٹھس ہوگئی ‘27دسمبر کو پتہ چل جا ئیگا پیپلزپارٹی ٹھس کرتی ہے یا کوئی بڑا کوئی اعلان فیصلہ ہو جائیگا ‘ تحر یک انصاف کیوں اسمبلی میں واپس آئی اس کا جواب ان سے ہی پوچھا جائے انکے200میڈیا کوارڈی نیٹر ہیں ان سے ہی تحر یک انصاف کی پالیسوں کو پوچھا جائے ‘سانحہ کوئٹہ پر سپر یم کورٹ کی رپورٹ کا کچھ نہیں بنے گا (ن) لیگ ور کالعدم تنظیمیں ایک دوسرے کیساتھ ہیں ۔
اپنے ایک انٹر ویو میں شیخ رشید احمد نے کہا کہ قومی اسمبلی میں جب (ن) لیگ نے یہ دھمکی دی کہ پیپلزپارٹی خاموش رہے ورنہ آصف زرداری آتو جائیں گے مگر پھر انکو 29دسمبر کو پاکستان سے جانے نہیں دیا جا ئیگا تو اس پر پیپلزپارٹی ٹھس ہو کر بیٹھ گئی لیکن پھر بھی دیکھتے ہیں 27دسمبر کو وہ عملی طور پر (ن) لیگ کے خلاف سڑکوں پر آنے کا فیصلہ کرتے ہیں یا نہیں ۔ ایک سوال کے جواب میں شیخ رشید احمد نے کہا کہ عمران خان کر پشن کے خلاف ’’گوریلا ‘‘جنگ لڑ رہے ہیں اس لیے وہ اپنی حکمت عملی تبدیل کرتے رہتے ہیں لوگ اس کو یوٹرن کہتے ہیں ۔
