اسلام آباد (این این آئی)وفاقی وزیر ریلوے خواجہ سعد رفیق نے کہاہے کہ چوہدری نثار علی خان اصول پسند اور دیانتدار وزیر داخلہ ہیں ٗ اصولوں کی سیاست کرتے ہیں ٗ ملک ٹوٹنے کا سبب بننے والوں نے آج تک معافی نہیں مانگی ٗاقلیت اکثریت پر حکمرانی کرنے کی کوشش نہ کرے اور آئین کی حکمرانی کو تسلیم کیا جائے ۔
قومی اسمبلی کے اجلاس کے بعد میڈیا سے گفتگو کرتے ہوئے انہوں نے کہا کہ پیپلز پارٹی کو چودھری نثار علی خان سے کچھ مسائل ہیں تاہم وہ فرض شناس، اصول پسند اور دیانتدار وزیر داخلہ ہیں جو اصول پر سیاست کرتے ہیں اور ڈٹ جاتے ہیں انہوں نے کہاکہ وزیر داخلہ کی غیر موجودگی میں ایوان میں باتیں کی گئیں ٗامید ہے کہ نئی جماعتیں سیاسی بلوغت کی طرف آئیں گی ۔.انہوں نے کہاکہ سی پیک کو نہ سمجھنے والے اس پر تبصرے کررہے ہیں ۔چینی سمجھدار ہیں اور انہیں پتہ ہے کہ پیسہ کہاں لگانا اور کیسے واپس لے کر جانا ہے ٗ وہ ہماری مرضی سے پیسہ نہیں لگائیں گے ٗچین کی ترجیحات ہیں کہ پیسہ جلد ریکوری والے منصوبوں پر لگایا جائے ۔
خواجہ سعد رفیق نے کہا کہ 1971ء میں اگر اکثریت کو تسلیم کر لیا جاتا تو پاکستان نہ ٹوٹتا ،یہ نعرہ لگایا گیا کہ جو ادھر جائیگا اس کی ہڈیاں توڑ دی جائیں گی۔ ایوب خان کے مارشل لاء نے حالات بہت خراب کیے ٗ ملک ٹوٹنے کا سبب بننے والوں نے آج تک معافی نہیں مانگی ۔انہوں نے کہا کہ اقلیت اکثریت پر حکمرانی کرنے کی کوشش نہ کرے اور آئین کی حکمرانی کو تسلیم کیا جائے ۔لوگوں کو محکوم بنا کر رکھنے کی خواہش سے گریز کیا جائے ٗآرمی پبلک سکول کے سانحے نے سب کے دل چکنا چور کر کے رکھ دئیے ہیں تاہم ہم انے بچوں کو کبھی نہیں بھلائیں گے ۔وفاقی وزیر نے ایک سوال پر جواب دیا کہ مشرقی پاکستان میں قومی اسمبلی کا اجلاس نہیں ہونے دیا گیا ٗسقوط ڈھاکہ او ر سانحہ اے پی ایس کے گہرے اثرات ہیں ۔
