ملتان(آئی این پی)سینئرسیاستدان جاوید ہاشمی کے ڈسٹرکٹ بار ملتان میں خطاب کے دوران شدید بے نظمی دیکھنے میں آئی۔جاوید ہاشمی نے خطاب کے دوران ملک میں آمریت کو تنقید کا نشانہ بنایاتوایک سینئروکیل شمس القمر خٹک کھڑے ہوگئے اور جاوید ہاشمی کوسخت تنقید کا نشانہ بنایا۔ القمر خٹک کا کہنا تھا کہ آمریت سے ہماری جان چھوٹ جائے گی لیکن آپ سے اور گیلانی صاحب سے کب چھوٹے گی ؟۔اس موقع پر وکلاء کا ایک گروپ سٹیج پر چڑھ گیا اور جاوید ہاشمی کے کیخلاف نعرہ بازی کی۔چندوکلاء نے سیاست سے ریٹائرڈ ہونے کا مشورہ دیا۔جاوید ہاشمی تقریر چھوڑکرکرسی پر بیٹھ گئے۔اس موقع پر بار کے کچھ وکلا اور ڈسٹرکٹ بار کے عہدیدران نے معاملہ سنبھالااورصلح صفائی کرائی۔